"Мен мұғаліммін" атты педагогикалық байқау

24.04.2023 ж. күні Қарағанды жоғары гуманитарлық колледжінде «Қазақ тілі және әдебиеті» бөлімінің 3-курс студенттері арасында «Мен мұғаліммін» атты педагогикалық байқау өтті.
Байқаудың мақсаты ̶ болашақ қазақ тілі мен әдебиеті пәні мұғалімінің интеллектуалдық деңгейі жоғары, білімді, білікті, кәсіби шебер, қойылған міндеттерді шығармашылықпен шеше білуге қабілетті тұлға әрі болашақ маман ретінде өзін-өзі қалыптастыруына көмек беру, ақпараттық құзыреттілігін жетілдіру, танымдық және шығармашылық белсенділігін арттыру.
Байқауға қатысушылар электрондық портфолиомен таныстырып, оқу сабағынан үзінді өткізді және шешендік өнер элементтерін пайдалана отырып, педагогикалық жағдаятты шешу тапсырмаларын орындады.
Аталған шараға 1-курс студенттері еріктілер құрамында, 2-курс студенттері көрермен ретінде қатысты.
Қазылар алқасында қаламыздағы Б.Момышұлы атындағы жалпы білім беретін мектептің қазақ тілі және әдебиеті пәні мұғалімі Ә.Б.Ақжолтай, директордың әдістемелік жұмыс жөніндегі орынбасары, психология пәнінің оқытушысы С.Д.Джуманкулова, қазақ тілі және әдебиеті пәнінің оқытушысы С.Б.Карманова болды.
Байқау жеңімпаздары: Жанатова Жансая I орын; Амантаева Толқын II орын; Жагыпарова Жанель, Рахман Альбина III орын.
ҚҰТТЫҚТАЙМЫЗ!