«Техникалық және кәсіптік білім беруді дамыту және стратегиялық міндеттер» атты республикалық форум

12-13.12.2023 ж. күні  аралығында  Астанада  техникалық және кәсіптік білім  беру  ұйымдарының басшыларына арналған «Техникалық және кәсіптік білім беруді дамыту және стратегиялық міндеттер» атты республикалық   форум  өтті.  
         Шараға  қатысқан  Оқу-ағарту  министрі  Ғани  Бектайұлы  Бейсембаевқа  колледж  басшылары мен орынбасарлары оқу үдерісіндегі өздерін  толғандырып  жүрген  сауалдарын қойып, ұтымды  жауаптарын  алды.         
           Бүгінгі   күні  өзекті  сұрақтардың  бірі  болып  есептелетін  бастауыш  білім  беру сыныптарында  бөлініп  оқытылатын  «Еңбекке баулу», «Бейнелеу өнері» пәндерін болашақта оқушыларымызды  жұмысшы  мамандықтарға  немесе белгі бір кәсіпке   мектеп  қабырғасынан  икемдеу  үшін  НЕГІЗГІ  БІЛІМ БЕРУ СЫНЫПТАРЫНДА  «ЕҢБЕККЕ БАУЛУ», «БЕЙНЕЛЕУ ӨНЕРІ» ПӘНДЕРІ  ДЕГЕН  АТАУМЕН    БӨЛІП   ОҚЫТУДЫ   Қарағанды   жоғары  гуманитарлық  колледжінің директоры, «Қазақстанның  еңбек сіңірген  қайраткері»  Амиров Есжан  Сарманкулович  ұсынды.
        «Көркем еңбек»  мамандығы  бойынша  қойылған сұрағымызға министрден  оң  жауап  алдық  және  алдағы  уақытта  қарастырылатынын  айтты. 
        Сондай-ақ, Оқу-ағарту министрі Ғани  Бектайұлы республиканың педагогикалық  колледждері  келешекте  Ы.Алтынсарин атындағы Ұлттық  білім  академиясымен бірлесіп жұмыс  жасайтынын жеткізді. Бұл педагогикалық  колледждері үшін  қуанышты  және жағымды жаңалық болып  табылды.            
         Форумның  бірінші  күні  Ы.Алтынсарин атындағы Ұлттық  білім  академиясының   ұйымдастыруымен  өткен  «Орта  білім  беру басымдықтары контексінде колледждерде педагогтерді даярлау» атты республикалық  сұхбат  алаңына  қатыстық.
          Аталған іс-шараға Оқу-ағарту бірінші вице-министрі Наталья Жұмаділдаева, Ы.Алтынсарин атындағы ҰБА президенті Мадина Тыныбаева, Академия қызметкерлері және еліміздің педагогикалық колледждерінің  басшылары мен  орынбасарлары   қатысты.
            2 секциялық бағытқа бөлініп  жұмыс  жасаған  қатысушылар  ауылдық және шағын жинақты мектептер педагог кадрларының сапасын арттыру жолдарын, орта білім берудің мазмұнын, педагогикалық колледждердің трансформациясын, сонымен қатар тәрбие мәселелерін талқылады.  
          МЖМБС-тің және Үлгілік оқу бағдарламаларының білім беру мазмұны ерекшеліктерімен Ы. Алтынсарин академиясының вице-президенті Руслан Қаратабанов; 
         Мектептер  мен  колледждерде  Біртұтас  тәрбие  бағдарламасын  жүзеге асыру ерекшеліктерін Психология, тәрбие және тұлғаны дамыту орталығының  директоры Анар Тәңірбергенова;
         Ауыл  мектептері мен ШЖМ педагогтерінің қызметі туралы  Ауыл және шағын жинақты мектептер зертханасының меңгерушісі Айжан Адамбекова баяндады. 
         Педагогикалық колледждерді қолданбалы бакалавриатқа трансформациялау моделін Академияның ғылыми  қызметкері Күлжанат Болатбаева  алаң  қатысушыларына  ұсынды.