“QARLY TAUSERUEN” қысқы тау спорты

24.12.2023 ж. күні Кеңес Одағының Батыры, «Халық қаһарманы» БАУЫРЖАН МОМЫШҰЛЫН еске алуға арналған “QARLY TAUSERUEN” қысқы тау спорты бойынша бұқаралық жарыстар мен ойындары Қарағанды қаласының Құрма ауылы тұсындағы Сораң тауының шоқылары маңында өткізілді.

Жыл сайын өткізілетін “QARLY TAUSERUEN” қысқы тау спорты түрлерінен бұқаралық жарыстар мен ойындарын Қарағанды облысының Бұқаралық және балалар спортын дамыту орталығы және Қарағанды облыстық спорттық туризм және туристік көпсайыс федерациясы мен “Skif-Qaragandy” тау спорты клубы ұйымдастырды.

Қарағанды жоғары гуманитарлық колледжі аталған іс-шараның дәстүрілі қатысушысы ретінде демеушілік жасады және колледж оқытушылары сайысқа түсіп жүлделі орындарға ие болды.