Халықаралық «Алаш» сыйлығының лауреаты, Қазақстанның еңбек сіңірген қайраткері Серік Ақсұңқарұлы атында атаулы кабинет ашылды.

2014 жылы Қарағанды гуманитарлық колледжінде қазақ поэзиясының асқақ рухты, ұшқыр ойлы, өрлікті жырлаушы ақыны, Халықаралық «Алаш» сыйлығының лауреаты, Қазақстанның еңбек сіңірген қайраткері Серік Ақсұңқарұлы атында атаулы кабинет ашылды. Ақын құрметіне арналаған кабинеттің тұсаукесерін «Орталық Қазақстан» газетінің бас редакторы болған белгілі журналист Мағауия Сембай кесіп, ақындар өлең оқып, ән-жырдан шашу шашылды.

Сол кезеңнен бастап, облыстық деңгейде С.Ақсұңқарұлы атындағы оқулар дәстүрлі түрде өткізілуде. Үш бағыттан тұратын байқауда ақын өлеңдері оқылып, жас ақындар өз шығармашылығын ұсынып, сондай-ақ, ақын өлеңіне жазылған әндер шырқалуда.