2024 жылдың 21 ақпанында Қарағанды облысының білім беруді дамыту оқу-әдістемелік орталығының ұйымдастыруымен техникалық және кәсіптік, орта білімнен кейінгі білім беру ұйымдарының педагогтері арасындағы педагогикалық сала бойынша кәсіби шеберліктің өңірлік конкурсы өткізілді.
Конкурстың мақсаты педагогикалық мамандықтар мен жалпы білім беретін пәндер оқытушысы мамандығының мәртебесін арттыру, конкурсқа қатысушылардың педагогикалық тәжірибесін ұсыну және дәріптеу.
Байқау 3 модуль бойынша өтті, олардың әрқайсысында қатысушылар теориялық және практикалық дайындықтарын, сондай-ақ кәсіби дағдыларын көрсетті.
Жалпы байқауға педагогикалық сала бойынша 4 педагог, жалпы білім беретін пәндер бойынша 6 оқытушы қатысты.
Аталған байқаудың екі бағыт бойынша Қарағанды жоғары гуманитарлық колледжінің оқытушылары жүлделі 1 орындарға ие болды.
АРНАЙЫ ПӘНДЕР ПЕДАГОГТЕРІ АРАСЫНДАҒЫ ПЕДАГОГИКАЛЫҚ САЛА БОЙЫНША:
1 орын - Идрисова Меруерт Абильтаевна, жоғары санатты арнайы пәндер оқытушысы.
ЖАЛПЫ БІЛІМ БЕРЕТІН ПӘНДЕР ПЕДАГОГТЕРІ АРАСЫНДАҒЫ ПЕДАГОГИКАЛЫҚ САЛА БОЙЫНША:
1 орын - Әбілмәжін Айдын Аманжолұлы, ағылшын тілі және арнайы пәндердің жоғары санатты оқытушысы.
