04.04.2024 ж. Қарағанды жоғары гуманитарлық колледжінде «Мұғалім болу – мақтаныш» жобасы аясында ZOOM платформасында Қарағанды облысы және Қарағанды қаласы мектептерінің 9-11 сынып оқушыларымен кездесу өтті.
Кездесуді колледж директоры Е.С.Әміров ашып, жылы лебізін білдірді. Колледж туралы бейнебаян көрсетілді.
Іс-шараға «Мектепке дейінгі білім беру», «Музыкалық білім беру», «Көркем еңбек», «Бастауыш білім беру», «Қазақ тілі және әдебиеті», «Шетел тілі», «Дене тәрбиесі және спорт» бөлімі оқытушылары мен студенттері қатысып, қонақтарды колледждің тыныс-тіршілігі және білім алушылардың жетістіктерімен таныстырды. Колледж түлектері – білім беру ұйымдарының басшылары, мұғалімдер және тәрбиешілер ұстаздық қызметіндегі жетістіктерімен бөлісіп, білікті мамандар дайындағаны үшін колледж әкімшілігі мен ұжымына алғыс білдірді.
