23.04.2024 ж. күні республикалық «МЕНІҢ БАУЫРЫМ» волонтерлік, облыстық педагогикалық бейіндік сынып жобалары және «Оқу сауаттылығы» апталығы аясында қазақ әдебиетінің классигі, көрнекті балалар жазушысы Бердібек Соқпақбаевтың 100 жылдық мерейтойына орай Қарағанды жоғары гуманитарлық колледжі «Қазақ тілі және әдебиеті», «Бастауыш білім беру» бөлімдерінің студенттерімен бірге волонтерлер Амантаева Толқын, Жанатова Жансая және Кадыров Ануарбек қаламыздағы Ахмет Байтұрсынұлы атындағы мектеп-гимназиясында «Мұғалім болу – мақтаныш» атты кездесу кешін өткізді.
Кездесу кешінде студенттер мектеп-гимназия оқушыларына колледждегі мамандықтар туралы бейнебаян көрсетіп, өздері білім алып жүрген оқу орнының тыныс-тіршілігімен таныстырды. Қазақ балалар әдебиетінің бәйтерегі Бердібек Соқпақбаевтың өлеңдерін мәнерлеп оқып, «Менің атым – Қожа» шығармасы негізінде театрландырылған қойылым көрсетті.
Іс-шараға колледж студенттері, мектеп-гимназиясының мұғалімдері мен оқушылары – барлығы 110-нан астам қатысушы атсалысты. Ұйымдастырушы: қазақ тілі және әдебиеті пәнінің оқытушысы Тойымбекова Ж.Б.
