24.04.2024 ж. күні Қарағанды жоғары гуманитарлық колледжінде «Қазақ тілі және әдебиеті» бөлімінің 3-курс студенттері арасында «Мен – мұғаліммін» атты педагогикалық байқау өтті.
Байқаудың мақсаты ̶ болашақ маманның білімді, білікті, кәсіби шебер, қойылған міндеттерді шеше білуге қабілетті тұлға ретінде өзін-өзі қалыптастыруына көмек беру, ақпараттық құзыреттілігін жетілдіру, танымдық және шығармашылық белсенділігін арттыруға ықпал ету.
Байқауға қатысушылар электрондық портфолионы сайт арқылы көрсетіп, қазақ тілі пәнінен оқу сабағынан үзінді өткізді және педагогикалық жағдаятты шешу тапсырмаларын орындады.
Аталған шараға 1-курс студенттері еріктілер құрамында, 2-курс студенттері көрермен ретінде қатысты.
Қазылар алқасында қаламыздағы А.Байтұрсынұлы атындағы мектеп-гимназияның қазақ тілі және әдебиеті пәні мұғалімі, педагог-зерттеуші Ж.Н.Тусжанова, №36 жалпы білім беретін мектептің қазақ тілі және әдебиеті пәні мұғалімі, педагог-зерттеуші Г.М.Қасым, Н.Әбдіров атындағы жалпы білім беретін мектептің қазақ тілі және әдебиеті пәні мұғалімі, педагог-зерттеуші М.Е.Сатибекова, колледждің педагогика пәнінің оқытушылары Д.Б.Жумкина, И.А. Бакеева болды.
Байқау жеңімпаздары: Махмудова Ильмира I орын; Аканова Мадина II орын; Томанова Аяулым, Әділханқызы Аружан III орын.
Байқауға 52 студент пен оқытушы қатысты.
Жауапты: Г.Т.Муханова, А.Ж.Касимова, қазақ тілі және әдебиеті пәні оқытушылары.
