25.04.2024 ж. күні Қарағанды жоғары гуманитарлық колледжінде Оқу сауаттылығы апталығы аясында біртұтас тәрбие бағдарламасын жүзеге асыру бағытында «Мақал – сөздің азығы, жұмбақ – ойдың қазығы» атты интеллектуалдық ойын өтті. Мақсаты: «Сөз мәйегі – мақал» дегендей, ата - бабамыздан қалған өсиет сөздер арқылы адамгершілікке, ойын жүйелі, нақты жеткізуге, тапқыр сөйлеуге үйрету. Іс-шараға 45 студент қатысты. Ойын 4 кезеңнен тұрды.
1-кезең: «Жалғасын тап» (Қоржыннан асық алу арқылы жасырылған мақал-мәтелдің жалғасын табу);
2-кезең: «Кім тапқыр?» ( Экрандағы ұяшық арқылы жұмбақ шешу);
3-кезең: Жаңылтпаштар айтудан жарыс;
4-кезең: Жұмбақ айтысы.
Ойын барысында Қ-22 «Білгірлер» тобы, Қ -23 «Ақылдылар» тобы болып, сайысқа түсті. Студенттер тапқырлық танытып, салмақты ойларымен, сөйлеу шеберлігімен өз білімдерін көрсете білді.
Жауаптылар: Кітапхана меңгерушісі Жылтыбаева Г.Р., кітапханашы Жумадилова С.М.
