13.05.2024 ж. күні Қарағанды облысында білім беруді дамытудың оқу-әдістемелік орталығы және Қарағанды жоғары гуманитарлық колледжінің ұйымдастыруымен Қарағанды қаласының 90 жылдығына арналған «Жүрегіме жақын қала» тақырыбында «Көркем еңбек» мамандығы бойынша техникалық және кәсіптік, орта білімнен кейінгі білім беру ұйымдарының студенттері арасындағы «Жас шебер» облыстық байқауы өтті.
Байқаудың мақсаты техникалық және кәсіптік, орта білімнен кейінгі білім беру ұйымдарының студенттерін шығармашылық жұмысқа тарту арқылы танымдық қабілеттерін, қызығушылықтарын арттыру, жетістіктерін бағалап көрсету, белсенділігін қалыптастыру, өздігінен еңбек етуге дайындау.
«Жас шебер» байқауына облысымыздың әр өңірінен 36 өтініш түсіп, «Графика», «Кескіндеме», «Сәндік-қолданбалы өнер» бағыттары бойынша дарынды, шығармашыл студенттер бақ сынасты.
Сонымен қатар, «Көркем еңбек» бөлімінің арнайы пән оқытушылары: бастауыш оқытудың педагогикасы мен әдістемесінің магистрі Кусайнова Нуржамал Дулатовна «Құрғақ киіз басу әдісі арқылы «салпыншақтар» жасау технологиясы» тақырыбында, педагогика ғылымдарының магистрі Бақбергенов Айбек Асылханович «Декоративті сызықтармен заттарға көлем беру» тақырыбында шеберлік сағаттарын өткізіп, Дайч Раиса Владимировна «Көркем еңбек» және «Дизайн» бөлімі студенттерінің шығармашылық жұмыс көрмесімен таныстырды.
Байқаудың ашылу салтанатында «Қарағанды облысында білім беруді дамытудың оқу-әдістемелік орталығы» директорының орынбасары Нартова Татьяна Георгиевна мен Қарағанды жоғары гуманитарлық колледжінің директоры, Қазақстанның еңбек сіңірген қайраткері Әміров Есжан Сарманқұлұлы қатысушыларға тілек білдірді.
Үш номинация бойынша өткен сайыс барысында қазылар алқасы құрамында Е.А.Бөкетов атындағы Қарағанды университетінің «Бейнелеу өнері және дизайн» кафедрасының профессор ассистенті, педагогика ғылымдарының кандидаты Манабаева Асыл Шангереевна, Қарағанды қаласы білім бөлімінің «№2 лицейі» КММ директорының оқу жұмысы жөніндегі орынбасары, көркем еңбек мұғалімі Дюсембина Жибек Кенжетаевна, Қарағанды қаласы білім бөлімінің «№1 балалар өнер мектебі» ҚМҚК көркемсурет бөлімінің педагогы Хуат Гүлнұр Хуатовна төрелік етті.
Байқау қорытындысы бойынша «Графика» номинациясы бойынша жеңімпаздар:
І орын: Куран Софья Александровна, Теміртау жоғары медициналық колледжі. Жетекшісі: Лозин И. Г.
ІІ орын: Казакова Елизавета Ильинична, Қарағанды жоғары гуманитарлық колледжі. Жетекшісі: Бакбергенов А. А.
ІІІ орын: Сапаров Асет Идирисович, Теміртау жоғары политехникалық колледжі. Жетекшісі: Новикова В. В.
«Кескіндеме» номинациясы бойынша жеңімпаздар:
І орын: Колесникова Яна, Қарағанды техника-құрылыс колледжі. Жетекшісі: Бондарева А. А.
ІІ орын: Байдильдина Камила Габдулькадировна, Қарағанды техникалық-экономикалық колледжі. Жетекшісі: Боженков П. Н.
ІІІ орын: Ерікова Іңкәр Сапарқызы, Қарағанды жоғары гуманитарлық колледжі. Жетекшісі: Избасаров Д. И.
«Сәндік-қолданбалы өнер» номинациясы бойынша жеңімпаздар:
І орын: Туребекова Асем Кайркеновна, Қарағанды жоғары гуманитарлық колледжі. Жетекшісі: Рахимбаева Т. К.
ІІ орын: Какенова Даружан Жетписовна, Абай Құнанбаев атындағы Саран жоғары гуманитарлы-техникалық колледжі. Жетекшісі: Аманбекова Нургул Азибековна.
ІІІ орын: Алтынбекова Диана Ералықызы, Қарағанды техника-құрылыс колледжі. Жетекшісі: Искакова Диана Жылкыбаевна.
