04.09.2024 ж. күні Қарағанды жоғары гуманитарлық колледжінде Ел Президенті Қасым-Жомарт Кемелұлы Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» тақырыбында ұстаздар қауымына түсіндірме жұмыстары жүргізілді. Тарих және әлеуметтік-экономикалық пәндер оқытушысы А.Б. Аяғанов жолдаудың ел келешегі үшін жүзеге асатын бірнеше дәлелдерді келтіріп өз ойын, пікірін білдірді. Атап айтқанда:
• банктер туралы жаңа заң қабылдау ;
• салықтық әкімшілендіру ісінде жазалау тәсілінен бас тарту; 6 қазанда АЭС салу бойынша жалпыұлттық референдум өткізу;
• 2025 жылды- жұмысшы мамандықтар жылы деп жариялау;
• темір жол саласына реформа жүргізу;
• жол жөндеу жұмысында инновациялық заманауи әдіс- тәсілдерді қолдану;
• әлеуметтік қолдауды шын мәнінде мұқтаж адамдарға көрсету мақсатында «Әлеуметтік әмиян» жобасын енгізу;
• 2025 жылдан бастап аудан және облыстық маңызы бар қалалардың әкімдерін тікелей сайлауға көшу;
• Тазалық сақтамайтын «санасыздарды» заң бойынша жазалау;
• Әскер қатарында заң мен тәртіпті қатаң сақтау.
Мемлекет басшысы Қасым-Жомарт Тоқаевтың биылғы Қазақстан халқына арналған Жолдауы «Қарағанды жоғары гуманитарлық колледжі» КМҚК ұжымынан қолдау тауып, алдағы уақытта көрсетілген мақсат - міндеттерге өз үлестерін қосуға дайын екенін сеніммен айта аламыз.
