«Болашаққа қадам» педагогикалық тәжірибе бойынша есептік конференциясы

09.10.2024 ж. күні Қарағанды жоғары гуманитарлық колледжінде «Шетел тілі» бөлімінің 4-курс студенттерінің «Болашаққа қадам» педагогикалық тәжірибе бойынша есептік конференциясы өтті. 02.09-20.09.2024 ж. күндері аралығында студенттер Қарағанды қаласының Абай атындағы мектеп-гимназия, Сәкен Сейфуллин атындағы мектеп-гимназия, Ахмет Байтұрсынұлы атындағы мектеп гимназиясында тәжірибеден өтті. Студенттердің есептері олардың кәсіби өсуі мен педагогикалық дағдыларының дамуын көрсетті. Іс-шараға практика өткізілген мектеп оқушылары мен мұғалімдері қатысты, олар студенттердің жұмысы туралы оң пікірлер берді. Конференция соңында директордың өндірістік жұмыс жөніндегі орынбасары Шевченко Л.Г., мектеп-гимназия мұғалімі А.К.Абдильдина және практика әдіскері А.А.Абильмажин қорытынды сөз сөйледі. Іс-шара тәлімгерлік пен практикалық тәжірибенің маңыздылығын көрсете отырып, жоғары деңгейде өтті. Студенттер тәжірибелі мұғалімдерден құнды кеңестер мен қолдау алды.

Практика жетекшілері: Ю.А.Мазитова., А.Г.Бижанова., А.А.Әбілмажин.