«Ұстаздар мерекесіне» арналған «ҰСТАЗЫМ-ҰЛАҒАТЫМ» атты мерекелік шара

04.10.2024 ж. күні Қарағанды жоғары гуманитарлық колледжінде «Ұстаздар мерекесіне» арналған «ҰСТАЗЫМ-ҰЛАҒАТЫМ» атты мерекелік шара өтті. Колледж директорының міндетін атқарушы Д.К.Исатаев колледж ұжымын және осы білім ордасынан зейнетке шыққан ардагер ұстаздарды құттықтап, бүкіл саналы ғұмырын білім беру ісіне арнаған, оның ішінде, ширек ғасырға жуық Қарағанды жоғары гуманитарлық колледжінің дамуы мен өркендеуіне өлшеусіз үлес қосқан ұлағатты ұстаз, іскер басшы Әміров Есжан Сарманқұлұлына колледж ұжымының атынан сый құрмет көрсетті. Іс-шара барысында үздік оқытушыларға Қарағанды облысы білім басқармасы, Қарағанды облысының жастар саясаты мәселелері жөніндегі басқармасы, Қарағанды облысының оқу-ағарту, ғылым және жоғарғы білім қызметкерлерінің кәсіподақ ұйымы және Қарағанды қалалық «АМАНАТ» партиясының алғыс хаттары табысталды.Ұстаздарды марапаттау рәсімінен кейін аталмыш шара студенттер мен оқытушылардың қатысуымен өткен мерекелік концертке ұласты.