14.11.2024 ж.күні Қарағанды жоғары гуманитарлық колледжінің студенттері халықаралық деңгейдегі пәндік олимпиадаға қатысып, өздерінің білімдері мен шығармашылық қабілеттерін көрсетті. Олимпиада «Цифрландыру және жаһандық тәуекелдер жағдайында қаржы-экономикалық жүйенің тұрақты дамуының заманауи тенденциялары» тақырыбына арналды және қаржыгерлер күніне орайластырылды. Бұл байқау студенттерге стартап-жобаларды презентациялап, қорғауға, сонымен қатар бизнес, кәсіпкерлік және қаржылық сауаттылық бойынша сұрақтарға жауап беруге мүмкіндік берді.Колледж атынан қатысқан студенттеріміз Тағай Ақтоты Бекқызы мен Серікбек Назгүл Ермекқызы жоғары дайындықпен шығып, өз стартап-жобаларын тамаша қорғап, I орынға ие болды. Олар цифрландыру мен қаржы әлеміндегі өзекті мәселелерді шешуге бағытталған идеяларын ұсынып, әділқазылар алқасының жоғары бағасын алды. Олимпиада барысында студенттеріміздің білімдері, логикалық ойлау қабілеттері және қаржы саласындағы сауаттылықтары ерекше көзге түсті.
Жетекшілері: Оспанова Ақтоты Бекзатқызы, студенттердің кәсіби дамуына үлкен қолдау көрсетіп, әр қадамда бағыт-бағдар берді. Бұл жоба – олардың үлкен еңбегінің жемісі.
