«Көрнекі ақпарат және жарнама тілін біріздендіру» әлеуметтік жобасы

13.12.2024 ж. күні Қарағанды жоғары гуманитарлық колледжі «Қазақ тілі мен әдебиеті» бөлімінің Қ-21 тобы студенттері Төлепбек Бірлік пен Әділханқызы Аружан жазғы демалыс уақытында волонтер ретінде Қарағанды облыстық тілдерді дамыту жөніндегі басқарма бастамасымен өткен «Көрнекі ақпарат және жарнама тілін біріздендіру» әлеуметтік жобасына қатысты. Бұл жобаның мақсаты – қала көшелері мен түрлі нысандардағы атаулар мен жарнамалардың, хабарламалардың мемлекеттік тілде сауатты, дұрыс жазылуына ықпал ету. Аталмыш жобаға студенттер ғана емес, тіл жанашырлары мен қоғам белсенділері, БАҚ өкілдері де қатысып, аударма мәселесіндегі көптеген қателіктер түзетілді. Таяу арада осы жобаның қорытындысы ретінде «Жарнама – тіл тазылығының көрінісі» тақырыбында «Атамекен» кәсіпкерлер палатасының залында дөңгелек үстел өткізіліп, қорытындысы шығарылды, волонтерлерге Алғысхаттар мен сертификаттар табысталды.