22.12.-25.12.2024 ж. күндері аралығында Топар кентінде қысқы Президенттік көпсайыс бойынша ҚР Кубогы өтті. Сайыстың мақсаты – дене шынықтыру мен спортты бұқаралық дамыту, салауатты өмір салтын насихаттау, жастар арасында патриоттық тәрбиені нығайту және халық арасында Президенттік көпсайысты танымал ету.
Сайыс бағдарламасына мыналар кірді: пневматикалық винтовкадан ату, күштік гимнастика (ерлер үшін тартылу, әйелдер үшін итеру), шаңғы жарыстары (ерлерге 5 км, әйелдерге 3 км).
Сайыс қорытындысы бойынша Қарағанды жоғары гуманитарлық колледжінің дене тәрбиесі оқытушылары арасынан ерлер арасында Смаков Сержан Сейткәрімұлы 2-орын, ал әйелдер арасында Асланиди Галина Валерьевна 1-орын алды.
Жеңістерімен құттықтаймыз және алдағы уақытта да биік спорттық жетістіктерге жете берулерін тілейміз!
