2025 жылдың 11 қаңтарында Қарағанды жоғары гуманитарлық колледжінің оқытушылары мен әдіскерлері «Bilimzet» Қазақстандық Қайта даярлау және біліктілікті арттыру орталығы ұйымдастырған «Педагогтердің авторлық материалдары: әзірлеу және бекіту алгоритмі. Авторлық материалдар негізінде педагогикалық тәжірибені тарату» тақырыбындағы онлайн оқу семинарына қатысып, өз білімдерін толықтырды.
Жалпы оқу семинардың мақсаты аттестациядан өтетін оқытушыларға авторлық материалдарды әзірлеу мен бекіту бойынша жан-жақты әдістемелік қолдау көрсету, тәжірибе алмасу.
Семинарды Қарағанды облысында білім беруді дамытудың оқу-әдістемелік орталығының Білім беру мазмұнын талдау және стратегиялық дамыту бөлімінің меңгерушісі, педагогикалық тәжірибені тарату саласындағы сарапшы, лектор Мухамедьярова Айгуль Зейнулаевна жүргізді.
Бұл семинар педагогтерге өздерінің кәсіби деңгейлерін арттырып, авторлық материалдарды әзірлеу мен бекіту бойынша құнды білім мен тәжірибе жинауға мүмкіндік берді.
Семинар Instagram @kcppk.kz парақшасында тікелей эфирде өтіп, оған еліміздің түрлі аймақтарынан 650-ге жуық педагог қатысты.
