13.03.2025 ж.күні Қарағанды жоғары гуманитарлық колледжінде «Көркем еңбек» ЦМК шығармашылық апталығы аясында «Қонақ кәде» байқауы өтті.
Студенттік топтар өздеріне жеребе арқылы түскен танымал телебағдарламалар тақырыбына сай ерекше тағамдарын қонақтарға ұсынды:
1-курс – әлем халықтарының үздік тағамдарын біріктірген «Гастрономиялық мозаика», 2-курс – ұлтымыздың дәстүрлі дәмін дәріптеген «Қазақ дастарханы», 3-курс – ғасырлар бойы қалыптасқан дәм үйлесімін танытқан «Славяндық қазына», 4-курс – талғампаздық пен әсемдікті біріктірген «Еуропалық классика».
Сонымен қатар, қатысушылар кеш қонақтарына арнап қойылымдар дайындап, ерекше көңіл-күй сыйлады. Қазылар алқасы тағамдардың эстетикасын, ерекшелігін және олардың ұсынылуын бағалады.
Бұл байқау шығармашылық пен кулинарлық шеберлікті ұштастырып, студенттердің ынта-жігерін көрсеткен ерекше шара болды.
Байқауға жауапты арнайы пән оқытушылары: Сергеенко Н.И., Ізбасаров Д.І.
