14.04.2025 ж. күні Қарағанды жоғары гуманитарлық колледжінде «Ғашық көңіл-мәңгі жасыл айдын көл» атты концерттік бағдарлама өтті. Осы ерекше мерекелік кеште қатысушылар ұлттық дәстүр мен заманауи өнердің үйлесімі арқылы рухани құндылықтарды, махаббат пен өнердің мәңгілік әуенін бірлестірді.
Концерт бағдарламасы қазақ халқының ұлы эпостық дәстүрін, ғашықтықтың нәзіктігін және жүректің шексіз сезімін паш ететін туындылар мен шығармашылық қойылымдардан құралды. Әрбір ән мен күй, әрбір қойылым – ата-бабаларымыздың ұлы мұрасын жаңғыртып, ұлттық мақтанышымызды асқақтатты. «Ғашық көңіл-мәңгі жасыл айдын көл» атты концерт арқылы біз махаббаттың, адалдықтың және жан-жақты өнердің шынайы бейнесін ел алдында паш еттік.
Кеш барысында сахнада өнердің заманауи элементтері мен ұлттық дәстүрдің нақыштары үйлесім тауып, көрермендердің жүректерін жылытып, жан дүниелеріне шабыт сыйлады. Қатысушылар өздерінің шынайы сезімдерімен бөлісіп, ұлттық рухымызды нығайтуға, мәдениетімізді және дәстүрімізді ұрпаққа жеткізуге деген ұмтылысын арттырды.
Ұйымдастырушылар: “Жігер” студенттік парламент.