«Өнер деген бір әлем» атты әдеби-сазды кеш

Бүгінгі күннің өзі өзгеше бір шапағатқа толы болды.
Қарағанды облысы Ішкі саясат басқармасының бастамасымен шымылдығын түрген «Өнер деген бір әлем» атты әдеби-сазды кеш – жүрекке жылу, жанға қуаныш сыйлаған нағыз рухани мереке болды. Бұл кеш ерекше форматта өтті.
Әдебиет пен өнерге құштар қауымға Жанабек Жумабеков, Елена Нивиденская, Наталья Сайгушева және менің шығармашылық жұмыстарымыз ұсынылды. Қонақтар көрмені аралап, әр туындының сырлы әлеміне үңілу мүмкіндігіне ие болды.
Кештің екінші бөлігінде сахна төрінде ән мен жыр төгілді. Әнші мен ақындар өнер көрсетіп, Қарағанды Жоғары Гуманитарлық Колледжі студенттері мен көрерменнің ықыласына бөленді. Сол сәттерде өнердің ұлы күшін, оның жүректі тербейтін құдіретін тағы бір мәрте сезіндік. Өнер жолында нені өзгерту керек деген сияқты тақырыптарда пікір алмасуда болды.
«Өнер деген бір әлем» – расымен де, шабыт пен сезімге толы бір әлемге айналған кеш болды.
Осы шараға мұрындық болып жүрген Жанат Жаңқашұлы мен Асхат Қажытайға үлкен алғыс айтамы!