22.04.2025 ж. күні Қарағанды жоғары гуманитарлық колледжі кітапханасы қызметкерлерінің ұйымдастыруымен Оқу сауаттылығы апталығында «Біртұтас тәрбие» бағдарламасының «Балалар кітапханасы» жобасы аясында Қазақстанның халық жазушысы, әдебиет зерттеуші әрі тарихшы Мұхтар Мағауиннің туғанына 85 жыл толуына орай «Мұхтар Мағауин – қазақ әдебиетінің тарланы» тақырыбында оқырмандар конференциясы өтті.
Мақсаты – студенттерге жазушының өмірі мен шығармашылығынан деректер ұсыну, көркем әдебиетті оқуға деген қызығушылығы және отанға деген сүйіспеншілігін арттыру, туған елге адал қызмет етудің мәнін түсіндіру.
Іс-шара жұмысы үш блок бойынша жүргізілді: 1-бөлімінде Мұхтар Мағауиннің өмірі мен шығармашылығы туралы жобалар қорғалды; 2-бөлімінде «Қобыз сарыны» монографиясы туралы зерттеу жұмысы ұсынылып, тарих қойнауындағы жыраулар толғаулары оқылды; 3-бөлімде Абай атындағы мектеп-гимназиясы оқушылары «Бір атаның балалары» әңгімесінен көрініс көрсетті.
Кеш қонақтары айтыскер ақын, жыршы, Қазақстан Республикасы Мәдениет саласының үздігі, Ж.Тәшенов атындағы жылдың үздік ақыны Әділов Тілеген Елеусізбайұлы; айтыскер ақын, жыршы, Қазақстанның еңбек сіңірген қайраткері, Қазақстан Республикасы Мәдениет саласының үздігі Қами Дидар; Абай атындағы мектеп-гимназиясы кітапхана меңгерушісі Избасарова Айсулу Капиятовна қатысып, білім алушыларға жүрекжарды тілектерін айтты. Оқырмандар конференциясына қатысушылар алғыс хаттармен марапатталды.
Іс-шараға 65 адам қатысты. Жауапты: кітапхана қызметкерлері Жылтыбаева Г.Р., Жумадилова С.М.