22.04.2025 ж. күні Қарағанды жоғары гуманитарлық колледжінде Оқу сауаттылығы апталығы аясында «Қазақ тілі мен әдебиеті» және «Бастауыш білім беру» бөлімінің студенттері Қазақстан халық жазушысы Сәбит Мұқановтың туғанына 125 жыл толуына орай «Аққан жұлдыз» романы және басқа да көркем туындылары негізінде буктрейлер әзірлеу шарасын өткізді.
Мақсаты – қазақ әдебиетінің көрнекті өкілі, сөз зергері Сәбит Мұқановтың шығармашылығын кеңінен насихаттау. Жазушының көркем шығармалары арқылы студент жастарды кітап оқуға баулу, ұлттық әдеби мұраға деген қызығушылығын арттыру, сондай-ақ рухани-адамгершілік құндылықтарды дәріптеу. Буктрейлер жанры арқылы көркем әдебиетті заманауи форматта таныстыру, жастардың шығармашылық қабілеттері мен эстетикалық талғамын дамыту көзделеді.
Студенттер қазақ әдебиеті классигінің бірқатар шығармаларына буктрейлер дайындап, қызығушылық танытты. Сонымен қатар біртуар қаламгер С.Мұқановтың өмір жолы мен қоғамдағы қызметі, шығармаларындағы өмір шындығы да назардан тыс қалмады.
Іс-шараға 45 студент қатысты. Жауапты: қазақ тілі мен әдебиеті пәнінің оқытушысы Тойымбекова Жұмагүл Бейсембековна