Қарағанды облысының білім басқармасы Қарағанды Жоғары Гуманитарлық Колледжі гуманитарлық колледжінің" мұрындық болуымен азды-кем еңбегімізді бағалай отырып "Адал адам-Адал еңбек-Адал табыс" атты кездесу кешін өткізді
Бабаларымыз айтпақшы
Ел бастау қиын емес,
Қонатын жерден көл табылады.
Қол бастау қиын емес,
Шабатын жерден ел табылады.
Шаршы топта сөз бастаудан қиынды көргем жоқ, демекші. Колледж қабырғасындағы ардақты ұстаздарымның, із басар студенттердің алдында сөз бастап, өнер жолымдағы бірнеше жылдық есебімді бердім деуге болады. Авторлық жобаларға тоқталып, олардың тиімділігімен өмір сабақтастығы, атқарылған істермен атқарылғалы жатқан шаралардың мақсаты, алды тарих ғылымдарының докторы Жамбыл Артыкбаев ағамыз бастаған, айтыскер ақын, филология факультетінің доценті Айтбай Жұмағұл мырза жалғаған авторлық, соавторлық кітаптардың таныстырылымы сөзге тиек болды
Қазақстанда жырау есімімен аталатын жалғыз аудан екендігімізді мақтан ете отырып, Бұқар жырау ауданы оның ішінде Руханият Орталығы ҚББО ЮНЕСКО клубының, мәдениет бөлімдерінің атқарып жатқан істерін өрнектей отыра, Қарағанды облысының білім басқармасы "Қарағанды жоғары гуманитарлық колледжі" КМҚК және "Руханият" ҚББО ЮНЕСКО клубы арасында ынтымақтастықты нығайту мақсатында меморандумға отыру жолдарын қарастырып, Баян Құдайберген Ерболқызының білім ордамыздың тынысы жайл жасаған баяндамасы өзекті болды. Қасиетті топырақтан шыққан соң, Бұқар жырау толғауы мен мұрасынан жыр төкпей кетпеу мүмкін емес, айтыстың ақтангері Қами Дидардың шәкірті Аленина Виктория төрт тілде жырдан шашу шашып, дүйім жұртты тәнтті етті
Шара ән мен жырға ұласты
Сүйікті колледжіміздің жаңа басшысы Гульмира Уатаева басшылық қызметімен шың жүректен құттықтап, шығармашылық табыс тілеп, өзі басқарып отырған киелі орда қызметкерлері Гулайым Жылтыбаева т.б әріптестер апайлар мен ағайларды қоғамдық қор атынан көп жылдан бергі бірлескен ерекше еңбектерін бағалай отыра, зор алғыс білдіріп, марапаттап қайттым
Іс шараның басты мақсаты мен міндеті де еңбек арқылы, барлық жетістікке жетуге болатындығына көз жеткізу болып табылады. Студенттерде көкейлерінде жүрген сұрақтарын қойып, тұшымды жауап ала алды деп ойлаймын. Осы орайда көп жылдан бергі жинақталған баба мұрасын дәріптейтін туындылар жинағы мен шәкірттерімнің ҰОС на 80 жылдығына орай батыр тұлғалар топтамасымен жеке көрме сөресі қойылып, хронологиялық сыйпат берілді
Қолдау көрсеткен барша азаматтарға алғыс білдіремін