БІЛІМ БЕРУ БАҒДАРЛАМАЛАРЫН РЕЕСТРГЕ ЕНГІЗУ: «TALAP» КЕАҚ-НЫҢ ӘДІСТЕМЕЛІК ҚОЛДАУЫМЕН!
04 қараша 2025 жылы «TALAP» КЕАҚ ұйымдастыруымен республикалық оқу-әдістемелік бірлестіктер үшін Білім беру бағдарламаларын Реестрге енгізу бойынша сараптама жүргізетін мамандарға арналған маңызды онлайн-семинар өтті.
Семинар «TALAP» КЕАҚ Бас менеджері М.Ж. Амиржанованың әдістемелік сүйемелдеуімен өткізілді. Спикер қатысушыларға «ТжКББ білім беру бағдарламаларының тізілімі» ақпараттық жүйесімен жұмыс жасауға арналған жүйелі нұсқаулықты таныстырып, сараптама процесінің негізгі қағидаттарын түсіндірді.
Іс-шара барысында тәжірибелі сарапшы, Қарағанды жоғары гуманитарлық колледжі жанындағы оқу-әдістемелік бірлестікке қарасты «Музыкалық білім беру» бөлімінің арнайы пәндер оқытушысы Аханова Алма Галямовна өз тәжірибесімен бөлісіп, сараптаудың нақты критерийлері мен тиімді тәсілдерін ұсынды.
Сонымен қатар, Көкшетау қаласынан МҚК «Алтын бала» балабақшасының әдіскері, ТжКББ білім беру бағдарламаларының тәжірибелі сарапшысы Акжанова Айна Рахымжановна өндіріс өкілі ретінде өз тәжірибесімен бөлісті.
Онлайн-семинарға еліміздің әр өңірінен 70-тен астам педагог, өндіріс өкілдері қатысып, өз кәсіби тәжірибесін жетілдіруге және әдістемелік қолдау алуға мүмкіндік алды.