05.11.2025 ж. күні «Авторлық материалдар негізінде үздік тәжірибелерді тарату арқылы колледждегі оқу-әдістемелік жұмыс жүйесін жетілдіру» тақырыбында республикалық инновациялық педагогикалық алаң онлайн форматта өткізілді.
Бұл маңызды іс-шараны Солтүстік Қазақстан облысы әкімдігінің білім басқармасының басшылығымен «Мағжан Жұмабаев атындағы жоғары колледж» КМҚК ұйымдастырды.
Оған «Қарағанды жоғары гуманитарлық колледжі» КМҚК, «Орал гуманитарлық-техникалық колледжі», «Қарағанды “Bolashaq” жоғары колледжі» және «Абай Құнанбаев атындағы Саран жоғары гуманитарлық-техникалық колледжі» КМҚК қатысты.
Іс-шара барысында Қарағанды жоғары гуманитарлық колледжінің әкімшілігі мен тәжірибелі оқытушылары, соның ішінде колледж директоры және ОӘБ төрайымы Уатаева Гульмира Султанмуратовна қатысушыларға сәттілік тілеп, өз ұсыныстарымен бөлісті.
Сондай-ақ, орыс тілі мен әдебиеті оқытушысы, педагог-сарапшы Траксель Ольга Валентиновна «Методические рекомендации по применению интерактивных приёмов обучения на уроках русской литературы в колледже» тақырыбындағы әдістемелік нұсқаулығымен бөлісті.
Арнайы пәндер оқытушысы, педагог-зерттеуші, «Көркем еңбек» бөлімінің меңгерушісі Рахимбаева Таңжариқ Қойшыбаевна мен арнайы пәндер оқытушысы, педагог-зерттеуші Идрисова Меруерт Әбілтаевна «Сурет салу, мүсіндеу, аппликация, көркемдік-шығармашалық іс-әрекетін үйрету әдістемесі» атты әдістемелік құралдарын ұсынып, өздерінің авторлық әрі тиімді тәжірибелерін республикалық деңгейде табысты түрде таратты.
