Академиялық ұтқырлықты іске асыру: Біздің оқытушылар мен студенттер халықаралық деңгейде!
14.11.2025 ж күні Астана қаласындағы «Күләш Байсейітова атындағы Қазақ ұлттық өнер университеті» РММ-де ҚР Мемлекеттік сыйлығының лауреаты, композитор Балнұр Қыдырбектің 70 жылдығына арналған «МУЗЫКАЛЫҚ ӘЛЕМДЕР: КОМПОЗИТОР ЖӘНЕ ДӘУІР» атты I Халықаралық ғылыми-практикалық конференция өтті.
«Қарағанды жоғары гуманитарлық колледжі» КМҚК жанындағы Оқу-әдістемелік бірлестік болып табылатын «Музыкалық білім беру» бөлімі бұл маңызды іс-шараға белсенді қатысты.
Төменде көрсетілген оқытушымыз бен студентіміз өздерінің ғылыми баяндамаларын оқып, музыкалық білім беру саласындағы тәжірибелерімен бөлісті.
Оқытушы:
1. Аханова Алма Галямовна – Музыкалық-теориялық пәндердің оқытушысы, ОӘБ-ке жауапты маман, білім беру бағдарламасының республикалық сарапшысы, педагог-сарапшы.
Тақырыбы: «Посткеңестік кезеңдегі қазақ академиялық музыкасының жанрлық-стильдік трансформациясы: ұлттық бірегейлік пен авангардтық ізденістер мәселелері».
Студент:
2. Туребекова Зарина Бақытжанқызы – 4-курс студенті.
3. Ғылыми жетекшісі: «Музыкалық білім беру» бөлімінің «ARQA AUENI» хорының жетекшісі, арнайы пәндер оқытушысы Мамбетназарова Айжан Махамбеталиевна.
Тақырыбы: «Популярная музыка XXI века как зеркало общества. Отражение социокультурных и психологических процессов через музыкальное творчество в Казахстане».
Екі қатысушының да ғылыми мақалалары конференцияның арнайы бағдарламасына енгізілді.
Бұл қатысу «Күләш Байсейітова атындағы Қазақ ұлттық өнер университеті» және «Қарағанды жоғары гуманитарлық колледжі» арасындағы 2025 жылғы 9 қазанда бекітілген ынтымақтастық туралы меморандум негізінде жүзеге асты.