22.12.2025 ж. күні Қарағанды жоғары гуманитарлық колледжінде «Жұмысшы мамандықтар жылы» аясында «Көркем еңбек» бөлімінің 3-курс студенттерінің «Тігу технологиясы» пәні бойынша практика барысында дайындалған алжапқыш бұйымдарының дефиле-көрмесі ұйымдастырылды.
Іс-шараның басты мақсаты — студенттердің кәсіби құзыреттілігін арттыру, шығармашылық әлеуетін дамыту және тігін бұйымдарын әзірлеудегі практикалық дағдыларын көпшілікке ұсыну. Дефиле барысында әр қатысушының шығармашылық ой-қиялы мен шеберлігі үйлесім тапқан түрлі фасондағы, заманауи және ұлттық нақыштағы алжапқыш үлгілері көрермен назарына ұсынылды.
Іс-шара соңында Қарағанды жоғары гуманитарлық колледжі директорының өндірістік практика жөніндегі орынбасары Мергенбаева А.М. қорытынды сөз сөйлеп, студенттердің жұмыстарына жоғары баға берді.
Практика жетекшісі — арнайы пәндер оқытушысы, педагог-зерттеуші, «Тігін өндірісі және киімді модельдеу саласында ТжКБ ұйымдары педагогтерінің кәсіби шеберлігін дамыту» білім беру бағдарламасы бойынша «Talap» КЕАҚ штаттан тыс тренері Төребаева Г.Р.