Республикалық Қ.Бітібаева атындағы олимпиаданың облыстық кезеңі

ҚҰТТЫҚТАЙМЫЗ! 2023 жылғы 16 қыркүйек күні Қарағанды облысы білім басқармасы «Сарыарқа дарыны» балаларға қосымша білім беру аймақтық ғылыми-практикалық орталығының ұйымдастыруымен Қарағанды облысы колледждерінің студенттері арасында қазақ тілі мен әдебиеті пәнінен республикалық Қ.Бітібаева атындағы олимпиаданың облыстық кезеңі өтті. Олимпиадаға мемлекеттік тілде білім алатын 1, 2-курстың 30-дан астам колледж студенттері қатысты. Олимпиада 2 айналымда өтті. 1-айналым – жазбаша (эссе), 2-айналым – ауызша (Қ.О.Бітібаеваның өмірбаяны, оның ғылыми мұрасы және публицистикалық еңбектері, қазақ әдебиеті пәнінен бағдарлама негізінде алынған білімдері сараланады). Әділ қазылар алқасының шешімімен облыстық кезеңнің жеңімпазы болып, Қарағанды жоғары гуманитарлық колледжінің 2-курс студенті Айтамбетова Рыскелді, жетекшісі Тойымбекова Жұмагүл Бейсембекқызы, республикалық кезеңге жолдама алса, колледжіміздің 2-курс студенті Әмірова Ләйлә ІІІ орынға ие болды, жетекшісі Муханова Гүлден Тұнғышбайқызы. Барлық қатысушыларға алғысымызды білдіреміз! Жеңімпаздарды құттықтаймыз