24.12.2023ж. күні Қарағанды жоғары гуманитарлық колледжі студенттерінен құрылған музыкалық білім беру бөлімінің аралас хоры Қали Байжанов атындағы Қарағанды концерттік бірлестіктің Тәттімбет атындағы академиялық қазақ халық аспаптары оркестірімен бірлесе отырып, Шалқыма концерт залында "ШОУ-ФОЛЬК-ДЖАЗ" атты жаңа жылдық концерт өткізді.
Концертте Ғаламат ғасыр кинофильмінің саундтрегін және Карл Дженкинстің "Туған жер" шығармасын оркестрдің сүйемелдеуімен орындады.
Кәсіби ұжым мен бірлесіп өнер көрсету болашақ музыка пәні мұғалімі мамандығын таңдаған студенттер үшін практикалық сабақ болып табылды.
Дирижері: Мәдениет саласының үздігі, оркестрдің бас дирижеры Ерлан Бақтыгерей.
Хордың көркемдік жетекшісі: Қарағанды жоғары гуманитарлық колледжінің арнайы пәндер оқытушысы, модератор Айжан Маханбеталиевна Мамбетназарова .
