07.03.2024ж. күні Қарағанды облысы білім басқармасының "Сарыарқа дарыны" балаларға қосымша білім беру аймақтық ғылыми-практикалық орталығының ұйымдастыруымен Халықаралық әйелдер күніне орай техникалық және кәсіптік білім беру ұйымдарының студенттері арасында «МЕНІҢ АНАМНЫҢ БЕЙНЕСІ» атты облыстық сурет байқауы өтті. Жалпы сурет байқауына 100-ден астам жұмыс қатысты.
Байқаудың мақсаты: Бейнелеу шығармашылығы саласындағы жас таланттарды қолдау, олардың көркемдік қабілеттерін, дағдыларын, қиялын, даралығын көрсету мүмкіндігін кеңейту, студенттерді қосымша біліммен қамту.
Аталған байқауға қатысқан Қарағанды жоғары гуманитарлық колледжінің «Көркем еңбек» мамандығының 3 курс студенттері жеңімпаз атанып, жүлделі орындарға ие болды.
КЕСКІНДЕМЕ ЖАНРЫ БОЙЫНША:
1. І орын – Туребекова Асем.
Жетекшісі: Кескіндеме пәнінің арнайы оқытушысы, педагог-зерттеуші Избасаров Даулет Избасарович;
2. ІІ орын – Мұсатай Әнел.
Жетекшісі: Арнайы пәндердің жоғары санатты оқытушысы Калмаханов Айдархан Сейтмаханович.
Жеңімпаз оқытушылар мен студенттер дипломдармен марапатталды.
