23.04.2024 ж. күні Қарағанды облысында білім беруді дамытудың оқу-әдістемелік орталығы және Қарағанды агротехникалық колледжінің ұйымдастыруымен техникалық және кәсіптік, орта білімнен кейінгі білім беру ұйымдарының кітапханашылары, әлеуметтік-гуманитарлық пәндер оқытушылары арасында ақын Ілияс Жансүгіровтың 130 жылдығына және ғалым Әлкей Марғұланның 120 жылдығына арналған «Қазақстанның тарихы мен әдебиетіндегі ұлы есімдер» тақырыбында облыстық онлайн ғылыми-тәжірибелік конференция өткізілді.
Конференцияның пленарлық отырысына Әлкей Марғұлан атындағы Павлодар педагогикалық университетінің тарихшы ғалымдары, Е.А.Букетов атындағы Қарағанды зерттеу университеті жанындағы Сарыарқа институтының археология және этнография мұражайының ғылыми қызметкерлері, І.Жансүгіров атындағы әдебиет мұражайының аға ғылыми қызметкерлері қатысты.
Ғылыми-тәжірибелік конференцияда Қарағанды жоғары гуманитарлық колледжінің тарих және әлеуметтік-саяси пәндер оқытушылары республикалық «ҮЗДІК ҰСТАЗ-2019» байқауының жеңімпазы Аяғанов Алтай Бодеұлы мен педагог-зерттеуші Исатаев Дархан Қосарұлы «ӘЛКЕЙ МАРҒҰЛАН ЖӘНЕ ҰЛТТЫҚ ҚҰНДЫЛЫҚТАР» атты тақырыпта баяндама жасады.
