07.12.2023 ж. күні Қарағанды жоғары гуманитарлық колледжінің педагог-психологі Амирова Күлшат Білімжанқызы «Бөбек» ұлттық ғылыми-практикалық білім беру және сауықтыру орталығы «БӨБЕК» колледжінің ұйымдастыруымен өткен «Заманауи технологиялар және білім беру саласына ұлттық құндылықтарды енгізу шеңберіндегі педагогтердің кәсіби құзыреттілігі» тақырыбындағы халықаралық ғылыми-практикалық семинарда «Уақыт пен жеке ресурстарды басқару өнері» атты презентациялық баяндама жасап, өз тәжірибесімен бөлісті.
Семинар мақсаты: Ұлттық, жалпыадамзаттық құндылықтар және педагогикалық практика мен ғылымның жетістіктері негізінде рухани дамыған, зияткерлік өскелең ұрпақты оқыту мен тәрбиелеудің ғылыми негізделген әдістерін анықтау. Қазақстан мен көршілес елдердің педагогтары арасындағы серіктестікке, сындарлы өзара ынтымақтастыққа, заманауи білім берудің өзекті мәселелерін шешу бойынша тәжірибелерді дамытуға ықпал ету.
Аталған семинарға Қазақстан Республикасы Оқу ағарту-министрлігі Техникалық және кәсіптік білім департаменті, Ы. Алтынсарин атындағы Ұлттық білім академиясы, «Өрлеу» БАҰО» АҚФ Республикалық кәсіби даму институты, «Talap» КЕАҚ техникалық және кәсіптік білім беру мазмұны басқармасы, «Өркен» балалардың әл-ауқатын арттыру ұлттық ғылыми-практикалық институты» КЕАҚ, психолог, Ресей халықтар достығы университетінің маманы, мемлекеттік педагогикалық колледждің үздіксіз білім беру және оқыту бөлімінің меңгерушісі, Баку қ., Әзірбайжан, «Амид» мектебінің бастауыш сынып мұғалімі, Бободжон Гафуров ауданы, Тәжікстан, Қырғыз Республикасының білім беру Үздігі, Кочкор-Ата атындағы колледж оқытушылары мен республикамыздың ТжКБ ұйымдарының педагогтері қатысты.
