08.02.2024 ж. күні Қарағанды жоғары гуманитарлық колледжінде ата-аналарды педагогикалық қолдау орталығы «MENІŃ BAÝYRYM» жобасын іске асыру аясында ақын Мұқағали Мақатаевтың туған күніне орай «Бүгін менің туған күнім, ой, пәлі-ай....» атты республикалық Online форматта кездесу өткізді.
Іс-шараға Алматы облысы Райымбек ауданының Қарасаз ауылындағы Мұқағали Мақатаев атындағы мұражайы, Ұлытау облысы, Жаңаарқа ауданының Мыңадыр негізгі орта мектебі, Шет ауданы Ақой жалпы білім беретін мектебі, Қарағанды қаласы Әлихан Бөкейхан атындағы жалпы білім беретін мектептерінен оқушылар, мұғалімдер және ата-аналар ZOOM арқылы байланысқа шығып қатысты.
Республикалық Online форматта өткен іс-шарамыздың мақсаты: Мұқағали Мақатаевтың өмір жолы мен шығармашылығын, ақындық болмысын таныстырып, өлеңдері арқылы ұлттық құндылықтарды дәріптеу еді.
Шара барысында қатысушылар Қарасаз ауылындағы Мұқағали Мұқатаев атындағы мұражайға саяхат жасап, ақынның өмірінен сыр шертер естеліктермен танысты.
Колледж студенттері ақын өлеңдерін мәнерлеп оқып, ата-аналар ақын өлеңдеріне жазылған әндерді әуелете шырқады. Барлық қатысушы жырсүйер қауымға ерекше әсер қалдырды.
