«МЕНІҢ БАУЫРЫМ» ЖОБАСЫ
Наурыз мейрамын тойлаудың жаңа тұжырымдамасына сәйкес, биыл 15 наурыз – Қайырымдылық күні болып белгіленген. Осыған орай 15.03.2024 ж. күні Қарағанды жоғары гуманитарлық колледжінің еріктілер командасы «Менің бауырым» жобасы аясында «Таңшолпан» өмірлік қиын жағдайдағы балаларды қолдау орталығы тәрбиеленушілеріне арнап қайырымдылық акциясын ұйымдастырды. Колледждің еріктілері мен белсенді студенттері «Қош келдің, Әз Наурыз!» мерекелік бағдарламасын ұсынды. Шара барысында студенттер ұлттық сал-дәстүрлер тарихы жайлы баяндап, би билеп, ән шырқап, күйлер орындады. Бүлдіршіндердің көңілін көтеріп, түрлі ойындар өткізді. Сонымен қоса еріктілер өздері әзірлеген ұлттық тағамдарды (бауырсақ, шелпек, Наурыз көже, ет тағамдары) үлестірді.
#Меніңбауырым #Қайырымдылықкүні #Наурыз #Қарағандыжоғарыгуманитарлықколледжі
