23.12.2024 ж. күні Қарағанды жоғары гуманитарлық колледжінің «Jalyndy JaSTAR» волонтёрлік клубы қайырымдылық акциясы аясында Жаңа жылдық іс-шара ұйымдастырып, Әлихан Бөкейхан ауданындағы «Таңшолпан» балалар үйіне барды.Бұл игі шараның басты мақсаты – балалар үйінің тәрбиеленушілеріне тек материалдық көмек көрсетіп қана қоймай, жанашырлық пен мейірімділікті сезіндіру, оларға шынайы қамқорлық көрсету.Волонтёрлер өздерімен бірге балаларға арналған түрлі тәттілер мен сыйлықтар ұсынып, тәрбиеленушілердің жүрегіне қуаныш сыйлады. Шара барысында жас бүлдіршіндер еріктілердің ұйымдастырған концерттік бағдарламасын тамашалады. Қызықты әндер, көтеріңкі көңіл-күй сыйлаған би және әсерлі қойылымдар балалардың жүзінен күлкі ұялатты.