2025 жылдың 11 қаңтарында Қарағанды жоғары гуманитарлық колледжінің оқытушылары мен әдіскерлері «Modern Education» білім беру орталығы ұйымдастырған «Педагогтердің мотивациясы мен қызығушылығын арттыруға арналған фасилитация әдістері» тақырыбындағы онлайн семинарға қатысты.
Семинардың басты мақсаты — фасилитация әдістерін білім беру процесіне енгізу арқылы педагогтердің мотивациясын арттырып, олардың кәсіби дамуына ықпал ету.
Семинар барысында лектор Қадырова Асель Толкыновна қатысушыларды жаңа идеяларға жетелеп, фасилитация элементтерін тиімді қолдану арқылы сенімді қарым-қатынас қалыптастыру жолдарын түсіндірді.
Қатысушылар фасилитацияның әдістері мен тәжірибелік қолдану жолдарын терең меңгеру мүмкіндігіне ие болды.
Бұл семинар педагогтердің кәсіби дамуына жаңа серпін беріп, оқу процесінің тиімділігін арттыруға бағытталған маңызды шара болды.
