26.02.2025 ж. күні Қазақстан Республикасының Президенті Қ.Тоқаевтың 2025 жылды «Жұмысшы мамандықтары жылы» деп жариялауына орай Қарағанды жоғары гуманитарлық колледжінің кітапханасының ұйымдастыруымен «Білім мен еңбек – бақуатты өмірдің кілті» атты кездесу кеші өтті.
Мақсаты – студенттерді еңбекқорлыққа, іскерлікке, қабілеттілікке, іздемпаздыққа, жауапкершілікке, ұлтжандылыққа, адамгершілікке тәрбиелеу.
Іс-шараға ҚР мәдениет қайраткері, V Дүниежүзілік көшпенділер ойындарына Қарағанды атынан қатысқан, республикаға белгілі шебері, кәсіпкер «Нұрасем» сән үйінің директоры Исина Венера Абдугалиевна, дизайнер, жауапкершілігі шектеулі серіктестігі «Нурикомпания» кешенінің директоры Рыскулова Нургуль Алмасовна «Qazaqstan дауысы. Балалар». Көрмей таңдау. «Wrecking ball» қатысушысы Ляйсан Исмакова қонақ ретінде қатысты.
Кеш қонақтары ғасырлар бойы ұрпақтан-ұрпаққа жалғасып келе жатқан ұлттық мұра – киім тігу өнері туралы тартымды әңгімеледі. Венера Абдугалиевна қазіргі таңда қазақ ұлттық киімдеріне қызығушылық артып, ұлттық нақыштағы үлгілер сән әлемінде қайта жаңғыртылып келе жатқандығы, адал еңбектің жемісі туралы айта келе, сән үйінің үлгілерін ұсынды. Кешке 60 студент қатысты.
