27.03.2025 ж. күні мектепке дейінгі ұйымдардың тәрбиеленушілері арасында жұмысшы мамандығының 6 құзыреттілігі бойынша «Bаby EnbekSkills -2025» I-облыстық чемпионаты «Мамандықтар мектебі» алаңында өтті.
Облыстық чемпионатты ұйымдастырушы - Қарағанды Білім басқармасы «Сарыарқа дарыны» балаларға қосымша білім беру орталығы және Қарағанды жоғары гуманитарлық колледжі.
Бұл чемпионат «Жұмысшы мамандықтары жылы» аясында өткізілуде және мектеп жасына дейінгі балаларды ерте кәсіптік даярлауға мүмкіндік туғызады. Чемпионат финалына Қарағанды облысының 25 мектепке дейінгі мекемелерінен 50 қатысушы қатысты.
Чемпионат финалының ашылуына Қарағанды облысы Білім Басқармасының Техникалық және кәсіптік білім беру бөлімінің басшысы Оспанова К.Т., Қарағанды жоғары гуманитарлық колледжінің әкімшілік өкілдері қатысты.
Әр құзыреттілік бойынша қатысушылар еңбек дағдыларын көрсетіп, бағалау өлшемдеріне сәйкес бағаланды.
Қатысушылардың ішінен үздіктер анықталып, дипломдар мен естелік сыйлықтармен марапатталды.