31.03.2025 ж. күні Қарағанды жоғары гуманитарлық колледжі әкімшілігі мен «Шаңырақ» балабақшасының әкімшілігі арасында кездесу өтті. Балабақша директоры Кенжебек Ш. колледж делегациясына таныстыру экскурсиясын өткізіп, балабақшада оқу-тәрбие процесінің дамуындағы жетістіктерімен бөлісті. Жылы, достық ахуалда өткен кездесу барысында «Қарағанды жоғары гуманитарлық колледжі» мен «Шаңырақ» балабақшасының жетекшілері Уатаева Г.С. және Кенжебек Ш. екі тарап арасындағы кәсіби-әлеуметтік серіктестік туралы келісім-шартқа қол қойды.
Меморандум аясында колледж бен балабақша бірлесіп педагогикалық кадрларды даярлау, ұйымдастырушылық-әдістемелік шараларды өткізу арқылы мектепке дейінгі білім беру саласындағы кадрлар ресурсының кәсіби құзыреттілігін арттыру бойынша негізгі бағыттарды анықтады. Академиялық мобильділік аясында тараптар алдыңғы қатарлы тәжірибе алмасуды, тағылымдамалар өткізуді, сондай-ақ «Мектепке дейінгі тәрбие және оқыту» мамандығы бойынша білім беру бағдарламасын әзірлеуді және келісуді қарастырады.
Кездесу соңында әріптестер табысты ынтымақтастық тілектерімен алмасты, меморандумды жүзеге асырудың алдағы жоспарларын белгіледі.