12.05-13.05.2025 ж.күндері аралығында Қарағанды облысында білім беруді дамытудың оқу-әдістемелік орталығының облыстық сараптамалық және облыстық ғылыми-әдістемелік кеңестерінде әдістемелік өнімді (авторлық материалдарды) бекіткен педагогтердің озық тәжірибесін тарату және жинақтау онлайн форматта өтті. Іс-шараны «Қарағанды облысында білім беруді дамытудың оқу-әдістемелік орталығы» КМҚК техникалық және кәсіптік, орта білімнен кейінгі білім беру бөлімінің әдіскері Кнашина Айнұр Ахатовна жүргізді.
Мақсатты аудитория: «Қарағанды жоғары гуманитарлық колледжі» КМКҚ, «Қарағанды «Bolashaq» жоғары колледжі» ЖММ, Теміртау көпсалалы «Мирас» коллледжі ЖМ, Ә.Мусин атындағы Балхаш гуманитарлық-техникалық колледжі» КМҚК, «Абай Құнанбаев атындағы Саран жоғары гуманитарлық-техникалық колледжі» КМКҚ педагогтері.
Қарағанды жоғары гуманитарлық колледжінің арнайы пәндер оқытушысы Идрисова Меруерт Абильтаевна Қарағанды облысында білім беруді дамытудың оқу-әдістемелік орталығының облыстық сараптамалық кеңесінде бекітілген әдістемелік өнімін (авторлық материал) ұсына отырып, озық тәжірибесін таратты. Идрисова М.А. әзірлеген «Мектепке дейінгі балалар дене тәрбиесі» оқу-әдістемелік құралы педагогикалық колледждердің «Мектепке дейінгі тәрбие және оқыту» бөлімінің студенттеріне, арнайы пән оқытушыларына және мектепке дейінгі ұйым педагогтеріне арналған.
Оқу-әдістемелік құралдың мақсаты – болашақ тәрбиешінің мектепке дейінгі ұйымда балалармен дене шынықтыру жұмыстарын ұйымдастыруға, күн тәртібін тиімді жоспарлауға және өткізуге, бала қауіпсіздігі мен денсаулық жағдайын бақылауға, қимыл дағдыларын қалыптастыруға негізделген арнайы құзыреттері бойынша даярлау.
Оқу-әдістемелік құрал Алматы қаласының Alash Book баспасынан 500 дана тиражбен басылып шығып, республика бойынша колледждерге таралымға ұсынылды.