12.12.2025 ж. күні Қарағанды жоғары гуманитарлық колледжінде математикалық сауаттылық апталығы аясында «Математикалық квест» зияткерлік ойыны өткізілді.
Іс-шараның мақсаты – студенттердің математика пәніне деген қызығушылығын арттыру, олардың логикалық ойлауын, танымдық белсенділігін және шығармашылық қабілеттерін дамыту, сондай-ақ командалық жұмыс дағдыларын қалыптастыру. Сайыс барысында студенттер бірнеше кезеңнен өтіп, логикалық есептерді шешу, «Квест бөлме құпиясы», «Кім тапқыр?», «Кім жылдам?» атты қызықты әрі мазмұнды тапсырмаларды орындады. Тапсырмалар студенттердің жылдам ойлау, талдау жасау, дұрыс шешім қабылдау және өзара ынтымақтастықта жұмыс істеу қабілеттерін дамытуға бағытталды. Ойын барысында қатысушылар жоғары белсенділік танытып, өз білімдері мен тапқырлықтарын көрсете білді. Іс-шара студенттердің пәнге деген қызығушылығын арттырып, математикалық білімдерін практикада қолдануға мүмкіндік берді.
Ұйымдастырушылар: Н.Қ. Нұрмағанбетов, Н.Е. Кайроллаева.