27.01.2023ж. Қарағанды облысында білім беруді дамыту оқу-әдістемелік орталығының ұйымдастыруымен Қарағанды жоғары гуманитарлық колледжі базасында техникалық және кәсіптік, орта білімнен кейінгі білім беру ұйымдарының педагогтері арасында бірінші облыстық «Қазақ тілі мен әдебиеті пәнінің үздік оқытушысы» конкурсы өткізілді.
Байқау мақсаты: қазақ тілі мен әдебиеті пәні оқытушыларының инновациялық оқыту тәжірибесін анықтау және бағалау, үздік педагогикалық идеяларын тарату, талантты оқытушыларды қолдау.
Байқауға ТжКОББ ұйымдарының қазақ тілі мен әдебиеті пәні оқытушылары қатысты. Байқау үш кезеңнен өткізіліп, қорытынды үшінші кезеңге он оқытушы жолдама алды. Қорытынды кезең төмендегідей модульдар бойынша жүзеге асты:
І модуль: «Мен – ұлағатты ұстаз! таныстырылымы;
ІІ модуль: «Үздік әдістемелік қоржын;
ІІІ модуль: «Таратуға лайықты идеялар» «TED»форматы арқылы педагогикалық идеямен бөлісу.
Конкурс тапсырмаларының қорытындысы тәуелсіз қазылар алқасы шешімімен айқындалады.
Бас жүлде иегері – Мақатай Ербұлан Айтбайұлы, «Қарағанды жоғары гуманитарлық колледжі» КМҚК.
1-орын – Макетова Ардақ Рымхановна, Қарағанды «Bolashaq» жоғары колледжі
2-орын – Денеева Айгерим Рымкуловна, Абай атындағы Саран жоғары гуманитарлық техникалық колледжі
3-орын – Сеитова Жанар Ризабековна, Теміртау жоғары политехникалық колледжі.
Барлық қатысушыларға сертификат берілді және әр түрлі номинация иегерлері анықталды