«Алаш идеясының құндылығы – Егемен елдің жеңісі» атты колледжішілік іс-шараның ашылу рәсімі

  13.11.2023ж. күні  Қарағанды  жоғары   гуманитарлық  колледжінің ұйымдастыруымен   «Алаш  идеясының   құндылығы –  Егемен  елдің  жеңісі»  атты    колледжішілік  іс-шараның  ашылу  рәсімі  өтті. 
         Аталған  шара  13.11-13.12.23 ж.  күндері  аралығында  қалалық  «Алаш   айлығы»   аясында  өткізіледі.  
         Алаш  айлығының  маңызы туралы  алғашқы   сөз  «Қазақстанның  еңбек  сіңірген қайраткері», колледж  директоры  Амиров  Есжан  Сарманқұлұлына  берілді.  Оқытушылар  мен  студенттерге  тарихи  деректерді   келтіре  отырып,  алдағы  өткізілетін   іс-шараларға  сәттілік  тіледі.
        Колледжіміздің  бір топ  студенттері:  Еркін Мөлдір, Төлепбек Бірлік, Жанерке, Мәдениеш Маралжан, Қинаят Арай алаш арыстарына арналған өлеңдер оқыса қазақ  тілі мен әдебиеті пәнінің оқытушысы, AlashTime облыстық форум-байқауының жеңімпазы Ербұлан Айтпайұлы да өз шығармашылығынан өлең оқыды.   
        Тарих   және  әлеуметтік-саяси  пәндерінің оқытушысы, Республикалық «Үзідк ұстаз -2019» байқауының жеңімпазы Аяғанов Алтай  Бадиевич  «Алаш идеясының өзегі – ұлттық мемлекет құру еді» тақырыбындағы баяндамасын  қатысушы  аудиторияға  ұсынды.                                                                                                            
      Осы «Алаш айлығы»  аясында колледжімізде өтетін іс-шаралар жоспарымен  тарих  пәнінің  оқытушысы  Оспанова  Ақтоты  Бекзатқызы таныстырды.