23.02.2024 ж. күні Қарағанды облысында білім беруді дамытудың оқу-әдістемелік орталығының техникалық және кәсіптік білім беру бөлімі ұйымдастыруымен Қарағанды жоғары гуманитарлық колледжінің тәжірибелі «педагог-зерттеуші» біліктілік санаты бар оқытушылары мен жас мамандары «Даму» шеберлер мектебі» және «Алға қадам» жобалары аясында кіріктірілген шеберлік-сыныптар өткізді.
Шеберлік-сыныптың ашылуында Қазақстанның еңбек сіңірген қайраткері, Қарағанды жоғары гуманитарлық колледжінің директоры Амиров Есжан Сарманкулович «Кәсіби шеберлік алаңы: ізденіс және тәжірибе» тақырыбында оқу орынында атқарлып отырған жұмыстар туралы баяндаса, Қарағанды облысында білім беруді дамытудың оқу-әдістемелік орталығы техникалық және кәсіптік білім беру бөлімінің әдіскері Кнашина Айнур Ахатовна өткізіліп отырған іс-шараның мақсаты мен міндеттеріне тоқталып, қатысушыларға сәттілік тіледі.
Аталған іс-шара барысында төменде көрсетілген оқытушылар шеберлік-сыныптарын көрсетті:
1. «СКТ (сатылай кешенді талдау) технологиясы – оқыту үдерісінде», Муханова Г.Т., қазақ тілі мен әдебиеті және арнайы пәндер оқытушысы, педагог-зерттеуші; Ербулан М.А., қазақ тілі мен әдебиеті және арнайы пәндер оқытушысы;
2. «Өзара оқытуды (Peer Learning) білім беру процесіне интеграциялау: стратегиялар мен тәжірибелер», Мазитова Ю.А., ағылшын тілі және арнайы пәндер оқытушысы, педагог-зерттеуші, педагогика ғылымдарының магистрі; Лунева Т.Е., ағылшын тілі және арнайы пәндер оқытушысы;
3. «Көркем еңбек сабақтарында 4К моделін іске асыру», Рахимбаева Т.К., көркем еңбек және арнайы пәндер оқытушысы, педагог-зерттеуші; Нурмаганбетов Н.К., математика пәні оқытушысы, педагогика ғылымдарының магистрі.
Іс-шара соңында модераторлар - Қарағанды жоғары гуманитарлық колледжі директордың ғылыми жұмыс жөніндегі орынбасары Д. К. Исатаев және Қарағанды облысында білім беруді дамытудың оқу-әдістемелік орталығы техникалық және кәсіптік білім беру бөлімінің әдіскерлері А.А. Кнашина, И.А. Зубарева рефлексия өткізді, онда тыңдаушылар қызықтырған сұрақтарға жауап алды, ұсынымдар берілді және қорытындылар шығарылып, шеберлік-сыныптар өткізген оқытушыларға сертификаттар берілді. Іс-шараға Қарағанды облысы колледждерінің 49 педагогы қатысты.
