20.09.2024 ж. күні Қарағанды жоғары гуманитарлық колледж кітапханасында 1- курс студентеріне арналған ашық есік күні өтті. Еліміздің жаңғыруы мен әрі қарай дамуының стратегиялық бағдары «Бір тұтас тәрбие» бағдарламасының басты идеясы еңбекқорлық және кәсіби біліктілікті арттыру бағытында, «Білім көзі кітапта» атты кітапханаға саяхат жасалды.
Мақсаты: Білімнің кілті кітап арқылы берілетінін ұғындыру, кітапқа деген қызығушылығын арттырып, бос уақытын кітап оқуға арнап, кітап арқылы білімдерін шыңдауға,сонымен қатар шығармашылыққа баулу.
Іс-шара барысында: Кітап көрмелеріне шолу жасалып, кітапхана ережесімен таныстырылды. Сонымен қатар колледж кітапханасының жанынан құрылған «Кәусар» қызығушылар клуб мүшелері «Кітапхана – мемлекеттің мәртебесі, кемел келешектің сенімді кепілі!» - атты презентация жасап, кітап тарихына байланысты сұрақ- жауаптар қойып, студенттердің қызығушылықтарын арттырды. Іс- шараға 220 студент қатысты.
