20.02.2025 ж. күні Қарағанды жоғары гуманитарлық колледжінің базасында Қарағанды облысында білім беруді дамытудың оқу-әдістемелік орталығының басшылығымен колледж әдіскерлерінің облыстық әдістемелік бірлестігінің жұмысы аясында «Табысқа жету жолы: Lesson Study әдісі арқылы шеберлік пен тәжірибені біріктіру» тақырыбында әдістемелік күн өткізілді.
Іс-шараны «Қарағанды облысында білім беруді дамытудың оқу-әдістемелік орталығы» КМҚК басшысының орынбасары Т.Г. Нартова, «Қарағанды жоғары гуманитарлық колледжі» КМҚК директоры Г. С. Уатаева құттықтау сөздерімен және баяндамаларымен ашты.
Сонымен қатар, кіріспе бөлімде: Е. А. Маторина, «Қарағанды қаласындағы Педагогикалық шеберлік орталығы» ЖМ филиалының директоры; С. Д. Джуманқулова, Колледж директорының оқу ісі жөніндегі орынбасары; О. В. Траксель және А. М. Мергенбаева, Колледж оқытушылары баяндама жасады.
«Оқытуды жақсартудың тиімділігі» негізгі бөлімінде іс-шараға қатысушылар микрогруппаларға бөлініп, Колледждің жетекші педагогтері көрсеткен «Lesson Study» әдісін қолдана отырып кезең-кезеңмен сабақтарына қатысты:
- Тойымбекова Ж.Б., қазақ тілі мен әдебиеті, арнайы пәндер оқытушысы, «Әңгіме жанрын оқыту» тақырыбында;
- Муханова Г.Т., қазақ тілі мен әдебиеті, арнайы пәндер оқытушысы, «Қобыланды батыр» жыры» тақырыбында;
- Тойбекова Ж.А., арнайы пәндер оқытушысы, «Есептерді иллюстрациялу. Жылдамдық, уақыт, қашықтық арасындағы байланыс. Жылдамдық, уақыт, қашықтық шамалар арасындағы байланысты талдау» тақырыбында;
- Изотова Е.А., арнайы пәндер оқытушысы, «Методы и приемы борьбы со стрессом» тақырыбында;
- Валиева А.Г., арнайы пәндер оқытушысы, «Деятельность» тақырыбында;
- Мазитова Ю.А., ағылшын тілі, арнайы пәндер оқытушысы, «Usage of AI in ESL teaching» тақырыбында.
Әр сабақтан кейін талқылаулар өткізілді.
Іс-шара соңында «Қарағанды облысында білім беруді дамытудың оқу-әдістемелік орталығы» КМҚК әдіскері А.А. Кнашина рефлексия жүргізіп, қорытындылар шығарылып, ұсынымдар берілді.
Іс-шараға облыстың техникалық және кәсіптік, орта білімнен кейінгі білім беру ұйымдары директорларының оқу/ғылыми-әдістемелік жұмысы жөніндегі орынбасарлары, әдіскерлері мен педагогтері қатысты. Жалпы қамту 35 адамды құрады.
